【本報訊】除了是妻子和子女眼中的好丈夫、好爸爸，強哥亦是孝順仔。意外後他向身在廣州高齡母親「報喜不報憂」，「佢只知我入咗醫院，但唔知我冇咗對腳，我喺電話度同佢講『幾好呀』!」強哥擔心90歲的母親承受不了刺激，希望盡快康復安裝義肢到廣州探母。
祖孫感情深厚
他說，一對子女年幼時交由廣州的母親照顧，直至子女入讀幼稚園才回港，因此祖孫三代人感情深厚，每年他一家都會到廣州探望母親。
目前，強哥最期望是復元能安裝義肢，重新站起來，「坐輪椅要人照顧，而且返唔到廣州睇阿媽」。但醫生日前表示，由於強哥盆骨受損嚴重，可能無法安裝義肢，令他大受打擊。
不過，骨科專科醫生高拔萃認為，目前定奪傷者是否適合安裝義肢言之尚早，「至少都等三個月」。高拔萃解釋，若雙腿均需裝義肢，傷者需有良好的手部及心肺功能，「因為佢兩隻腳都要裝（義肢），行嘅時候就要靠雙手負荷支撐身體嘅重量」。高又指，只要身體機能良好，年齡並不直接影響義肢的使用。
■記者潘婉玲