【亞視倒數之歌繼續唱】
不獲續牌的亞視，死線是明年3月底，雖然財困問題仍然嚴重，但公司仍周圍撲水維持運作，昨晚如常在大埔總台錄影節目《ATV歲月如歌大賞》，該節目將於本月26日播出，亞視安排了張家瑩和馮家俊做司儀，蔡楓華、黎小田和黎燕珊等做嘉賓，大唱經典金曲。亞視執行董事葉家寶和副總裁趙汝強及亞洲會會長魏秋樺等都撐場。
車馬費得二千
雖然亞視經濟拮据，但公關部仍買了蛋糕和飲料供記者享用，魏秋樺透露亞洲會撥了數十萬助亞視，葉家寶則說：「呢個騷成本三、四萬，亞洲會冠名贊助，嘉賓車馬費都係一、二千蚊。」劉錫賢和朱慧珊日前發起藝人開會向亞視提出訴求，並於明午約見葉家寶，而葉家寶也承認：「暫時未知佢哋訴求，佢哋都係想知公司今後發展，我重申𠵱家都係為員工福利着想，除咗胡景邵，仲有三家人傾緊注資。」
蔡楓華表示昨晚演出有收車馬費，他說：「象徵式，冇諗過要攞報酬，今晚會唱當年我做男主角嘅《IQ成熟時》。」蔡楓華自爆近日忙於入紙搞演唱會。
節目當中除頒發經典劇獎項給《鱷魚淚》、《浮生六劫》和《甜甜廿四味》等十部劇集，另外還有《我和春天有個約會》、《人在旅途灑淚時》和《浣花洗劍錄》等十首經典金曲，以及我最喜愛男、女歌手得主分別是李龍基和袁麗嫦，至尊作曲家是黎小田，至尊作詞家是盧國沾，光輝成就獎頒給梁天。
採訪：黃曉妍
攝影：仇志德
