被網民譏為「意甲亞視」嘅帕爾馬（白衫），因陷入財困長期拖糧，早前已正式宣佈破產，雖然到𠵱家都未搵到白武士救濟，發窮惡下竟然喺上周六意甲爆大冷，主場1:0小勝祖雲達斯，累積兩連勝。
帕爾馬喺上周中快車亦以1:0擊敗烏甸尼斯，取得接近三個月來嘅首勝，以為呢場面對一哥祖雲達斯，好快就打回原形，點知竟然喺60分鐘憑荷西莫利一箭定江山，勝出呢場被外界認為係實力懸殊嘅比賽。兩隊首循環交手，祖記曾主場7:0大炒帕爾馬，估唔到呢場因首席射手泰維斯賽前有輕傷缺陣下，竟然被對手復仇成功，吞下今季聯賽第二場敗仗，連教練艾基利都鬧球員踢得唔好，下半場完全冇爭勝慾望。或者佢哋覺得聯賽仲領先其他球隊咁多，周二又要喺歐聯大戰摩納哥，所以呢場踢得冇咁上心呢？至於尾場嘅國際米蘭，就作客靠莫路伊卡迪同柏拉斯奧各入一球，加上對方守將摩拉斯擺烏龍，反底大勝維羅納3:0，結束七場不勝。
識睇，一定係睇足英台【英波Live】：
http://soccer.appledaily.com
http://bit.ly/engballlive