【壹週刊】正所謂家家有求，最近很多屋苑業主，都將單位分租賺盡租金，情況已遍及豪宅、獨立屋及大型屋苑。有獨立屋因分租被五戶人瓜分，將洋房用到 最殘；身處九龍站的頂級豪宅，因有「尊貴身份」，分租最為渴市；亦有人租下市區盤再自行分租，印印腳賺差價。資深投資者湯君明分析，分租賺與唔賺，月租六萬元是分水嶺。
年多前，有報章報導元朗樓盤尚城的一間獨立洋屋，內裡房間可分租出來收租，震驚全城。估不到直至今日，這座洋房原來仍在不斷 分割再分割，「空間」似長分長有！記者見上周又有廣告，逐以租客身份，相約業主劉先生睇樓，劉先生電話中已多次向記者說：「你要有心理準備呀，間房真係好細，但月租只係三千！」
劉先生說由所有租客共用：「呢度有五間房，四間租咗出去，你入嚟住就五戶人共用個客廳囉。」走到二樓，去到該月租三 千元的房間，原來是個比劏房更細的梗房！只得三十呎，而且面積其中一半已是窗台。記者試瞓上去，全身不能郁動。劉先生不斷指：「嗱，間房三呎乘六呎，另外 窗台兩呎乘六呎，夠放一張兩呎床，仲有空間走動下。雖然細，但其實三千蚊好抵呀。」記者計計數，三十呎房要三千元，即呎租高達一百元，唔好去搶！
科達集團主席湯君明分析，租金六萬元是分租賺唔賺的分水嶺：「因為分租一間房出去，你唔可以將房租提的太高，例如兩萬蚊，咁租客會寧願租一個獨立細單位。租金六萬蚊以上既單位，可能都係得三至四間房，就算每間房用一萬元分租，都補唔返條數！最慘係用到你殘！」
iPhone版下載：
http://goo.gl/1SDaWF
Android版下載：
http://goo.gl/xfQS8D
壹週Plus網頁：
http://nextplus.nextmedia.com/