【本報訊】自2011年遭維他奶集團封殺的759阿信屋周三起終可銷售維他豆奶、麥精等7款紙包飲品，只限375毫升裝，以及兩款樽裝水，暫在港鐵及毗鄰便利店旁的分店售賣，並以9折搶客。阿信屋創辦人林偉駿強調，759未有改變「海外直送」的銷售政策，售賣維他奶只是給客人多一個選擇。
記者：蔡朗清
創辦阿信屋的CEC國際主席林偉駿昨表示，過去3年維他奶集團多次主動跟他聯絡游說，商議恢復售賣維他奶等飲品事宜，今年正式落實星期三開始在阿信屋售賣，包括維他豆奶、麥精、檸檬茶等7款紙包飲品，以及兩款膠樽礦水；紙包飲品只限375毫升裝，而較為大眾化的250毫升裝仍未供貨。
50分店周三開售
阿信屋亦會跟隨維他奶官方建議價錢，但對方未有限制阿信屋減價銷售策略，「飲品標價我哋會跟番零售價，但我哋會用9折，甚至8折售賣，一定會平過便利店」。林偉駿續稱，因為只能銷售375毫升裝，主要對手是便利店，所以先會在港鐵站分店，以及毗鄰有便利店的阿信屋銷售維他奶產品，共約50間分店，「所以第一批貨量都唔多，大約只有一個貨櫃」。
阿信屋facebook日前透露會售賣維他奶，但即遭粉絲留言圍攻，指摘「轉攻本地嘢即係以後唔使去759」，但亦有網民讚好「以現時759嘅網絡，可以挑戰三大超市啦，係希望太古呢啲供應商唔好再繼續助紂為虐，狼狽為奸就好啦！」
林偉駿強調，阿信屋未有改變巿場定位，主力仍然是銷售海外直銷本港的產品，「我哋95%都係賣海外直銷嚟嘅貨品，本地產品包括社企產品如新生會豆漿、靈實曲奇餅等，到𠵱家維他奶，加埋唔會超過總貨量0.5%。今次賣維他奶，既然對方都肯畀貨我哋賣，我哋當然歡迎，畀客人多個選擇」。
