【本報訊】除了維多利亞公園「主場」，《城巿論壇》亦會偶然「搬家」到九龍城賈炳達道公園和摩士公園「開壇」，近年則曾移師正生書院、中大民主女神像廣場等。
天水圍大霧礙訊號
現任主持謝志峰直言，對正生書院和天水圍印象最深，充份體現直播的困難。
2007年論壇往天水圍進發，但大霧令訊號不穩定，「事前去睇吓點搞，拎住部機，咁樣得唔得呀？推高啲又得唔得呀？好擔心」。離島的正生書院難度則更大，當時整隊人「跑山跑到狗咁」，又要租船入去，「點知嗰架船好拋㗎喎，拋到工作人員暈，我哋又好多器材，要正生班同學好似苦力咁抬上去」。
至於最震撼，他選中大火車站對出廣場，「之前嗰晚大家簇擁住（民主女神）入中大，嘩，好似耶穌抬住個十字架咁」。
■記者張嘉雯