周柏豪、林欣彤、鄭欣宜、Super Girls及陳志雲等，昨日在黃竹坑出席「饑饉三十揭幕」活動，林欣彤早前不適患上氣管炎，帶病上陣的她說：「冇嘢阻到我嘅熱血，未入行之前都試過自己喺屋企饑饉，都係要捱一小段時間啫！不過細佬不停喺我身邊食嘢，好彩我都饑饉成功。」林欣彤心情興奮，表示沒有被早前舊愛毆打新聞影響，她說：「之前綵排好開心，做啲唔關事嘅嘢就唔會諗起。」有否對愛情留下陰影？她說：「鍾意就唔會有陰影啦！」會否考慮學泰拳自衞？她強調：「呢啲事唔會再發生㗎啦！」
同場的柏豪踢拖上陣，被問到會否邀請女友一同參加饑饉活動，他說：「冇喎！佢想就會自己參加啦！」
採訪：盧妹
攝影：陳俊強