周日英超重頭大戰，聯賽五連勝的曼聯在奧脫福蓄勢待發，迎戰作客連敗的曼城。雖然曼聯近況較好，值得秤先，但紅魔防線近兩仗欠集中，在下半場中後段都有失波，而且曼城鋒線完整，阿古路及耶耶托尼都有力破門，加上兩軍近六次在奧脫福交手全部開「大」，所以今仗捧入球「大」較好。（球賽編號：星期日36；now621台今日11:00pm直播）
自從二月底不敵史雲斯後，曼聯持續回勇，聯賽五連勝，升上第三位，包括上月中在主場以3:0大破另一支前列勁旅熱刺。曼聯雖有尹佩斯缺陣，但對進攻影響不大，因為領隊雲高爾最近喜用朗尼打箭頭，效果非常好，近五場聯賽射入四球，其中上仗主場鬥阿士東維拉，這名英格蘭兼曼聯隊長更「窩利」入了一球靚波。除朗尼外，安達靴里拉、桑馬達及費蘭尼等幾位中場近期都有進賬，腳風大順。
曼聯上半場即開火
綜觀曼聯近幾場比賽，預計紅魔會在上半場向曼城施壓，大踢高位防守，希望在半場開紀錄，例如最近三場聯賽，曼聯都能夠在上半場領先，所以喜歡扒冷的球迷，不妨吼3倍的曼聯[半勝]。
不過，也許是體力無以為繼，曼聯下半場的表現會有下滑，尤其是後防。上月底對利物浦的雙紅會，曼聯在下半場失勢，被踢少個的利物浦圍攻，終被史杜列治攻破大門。上場對維拉，曼聯也被賓迪基在下半場破蛋，連續兩場有失。馬高斯盧祖、菲爾鍾斯及基斯史摩寧等紅魔守將始終難予人信心。
曼城是近期英超前列表現最頹的球隊，包括歐聯，他們作客四連敗，聯賽排名亦在上輪敗於水晶宮後跌至第四。有英國傳媒更披露，若果曼城在曼市打吡中失利，領隊比歷連尼即被炒魷。
陣容方面，曼城中前場並無重要傷兵，阿古路、迪斯高、大衛施華、拿斯尼及捷西斯拿華斯等俱可披甲，攻力有保證，而科特迪瓦中場耶耶托尼上場都有入球。不得不提，在現役球員中，攻入曼聯大門最多的四名球員中，有三名現效曼城，包括林柏特38次對曼聯入七球；而迪斯高及阿古路的效率極高，前者九場入七球還有兩次助攻，後者則七場入六球。
高柏尼有傷上陣成疑
不過，曼城今季防線表現不穩，隊長高柏尼更有傷在身，未知能夠趕及披甲。翻查往績，曼城近六次作客奧脫福得三勝三負，平分秋色，但六場有個共通點，就是多入球，全部都開「大」，當中不乏曼聯贏4:3及曼城贏6:1等經典的入球騷。
文：咖喱
識睇，一定係睇足英台【英波Live】：
http://soccer.appledaily.com
http://bit.ly/engballlive