體壇拾趣:東方籃兒驚險捧銀牌

體壇拾趣:
東方籃兒驚險捧銀牌

東方籃球隊前晚喺界限街體育館,同旭暉合演中級組銀牌決賽,吸引幾百名球迷逼爆賽場。銀牌賽規定球隊唔可以用外援,東方缺少兩位黑人球員助拳下,最後30秒俾對手追平70:70;好彩34歲嘅經驗老將Dwayne Kirkley上籃得手兼博得犯規,再度領先73:70,之後再把握對手失誤射入罰球下,以76:70贏波捧盃(圖)。雖然贏得驚險,但副總監李偉倫就話未驚過:「陣中有唔少老將,有足夠經驗應付類似場面。甲二聯賽周五開波,兩位外援有機會出場,有信心可以再次全勝封王,來季升上甲一。」