特首梁振英公佈委任新一屆香港電影發展局委員，18名非官方委員中，11人再度獲委任，其中體育、演藝、文化及出版界立法會議員馬逢國冧莊主席，香港藝術發展局主席王英偉就繼續任副主席，任期由本月1日至2017年3月31日。
覺得主席同副主席熟口熟面冇驚喜？八方相信，市民或者會對局內新面孔更加感興趣。事關7位新委任成員中，包括《狂舞派》嘅導演黃修平（圖）、《殭屍》電影中負責視覺效果兼喺金像獎攞最佳視覺效果獎嘅陳志道，以及《那夜凌晨，我坐上了旺角開往大埔的紅Van》監製錢小蕙，另外4位新丁仲包括蔡仲樑、朱仲安、馮子昌同唐慶枝。