【本報訊】劉婆婆和兒子侯太樂雖贏了官司，但沒為此高興，侯太樂為未能取回土地使用權感不快，形容侯志強表面輸了官司，卻可使用農地作後花園、泳池和車路，實質是「贏咗」。劉婆婆昨稱「有錢都唔及我賣菜咁開心，我𠵱家坐喺屋企喊，百幾萬好架勢呀？我賣（菜）7年都賺到啦！」她稱為農地之事，已激得患上心臟病，過去多年看病已花很多錢，其餘損失按日計也近千元。
其子侯太樂則指「只係想攞番塊地嘅使用權」。他稱當初興訟已明知因為並非業權人身份，官司不易打，但仍力爭將土地還原成農地，判決結果亦如所料。他於審訊期間曾供稱，2011年中報警投訴傾倒泥頭之事與侯志強有關，一個月後遭人斬傷。他強調絕不會搬走避開對方，「咁啲人咪越嚟越惡？𠵱家已經打橫行啦！」
但有村民認為判決不公，更支持村長侯志強上訴，並指應取消逆權侵佔的法例，「種幾棵樹就告人攞百幾萬走，咁咪好着數！」
■記者蔡少玲、羅日昇