【本報訊】侯志強昨與原告劉愛嬌在涉案農地狹路相逢，劉婆婆用粗口指罵侯志強，侯指劉婆婆大屋是「霸番嚟」，劉激動得疑用手指「篤」向侯的面頰，侯即時報警聲稱遭插眼，令劉被捕帶署調查。
被法官批評橫蠻及漠視法紀，侯昨指「香港人個個守法，點會漠視法紀？唔守法一早坐監」、「我大聲唔代表冇禮貌，冇禮貌唔代表犯法」，又指自己行為態度一貫「喺歐洲美洲對住黑鬼都係咁，我唔會屈膝求存，面對惡勢力都唔低頭」。
侯指「我唔理個官講乜，唔評論啲判詞……我堅持無辜」。對被指獲萬振成協助逃避責任，侯謂：「我同佢非親非故……包咩庇呀？」侯指劉愛嬌一家近幾年選村長落敗，對他懷恨在心，又指劉是原居民惡人，他聲稱為替政府平整遭人非法傾倒泥頭的農地而被「拖落水」大呼冤枉。
侯報警稱遭插眼
侯昨在涉案農地與劉婆婆遇上，劉不斷罵他「仆街」，侯指劉的居所是「霸番嚟」，帶記者走到劉的家門前，劉見狀不斷氣憤說：「霸你個女、霸你個墳！」侯問劉「係咪你？」其間劉疑用手指「篤」向侯的面頰，侯即指劉拳打其面及報警，侯向警員聲稱遭劉插眼。
侯又說：「用唔好聽嘅說話詛咒我，唔緊要，如果詛咒到，就冇咁多殺人事件。」又稱：「冇眼鏡盲咗啦！」之後又向警員說「（隻眼）有冇紅到呀？」警員表示沒有，侯便說：「冇紅到都係襲擊。」劉婆婆最後被拘捕。侯昨到警署助查，他稱「唔係我要告，係差人要告」。他說「好彩有副超，唔係隻眼跌咗出嚟。面都篤扁，如果你係我老婆，心都痛啦」，但拒絕驗傷。
■記者羅日昇 蔡曉楓