早排收到西班牙聯賽會老友打電話嚟問行情，我問佢係唔係今年又想過嚟玩吓，佢話雖然香港球市好特別，本地比賽入場人數又唔多，亦唔易搵到食，但就勝在自由同通訊方便，作為其中一站亦係好嘅，所以早喺半年前都發過消息嚟，睇有冇球會有興趣，但至今都仲係傾緊，我就問佢其他地區點，佢就好老實咁話都差不多，不過始終希望可以去埋香港咁就完美咁話。
咁我問佢有咩可以幫佢，佢話如果可以幫佢搭吓馬交同台灣就更好，佢叫到當然會幫佢打呢兩通電話啦，但我都叫佢唔好抱太大希望，努力啲同香港方面再傾吓仲好！畢竟香港都有西班牙波睇，球迷對佢哋都熟啲，耐心少少。見佢老遠打嚟我當然唔放過問料機會。
佢話：「領隊，我本身係巴塞嘅擁躉，但今晚我就推介馬拉加對馬體會場波嘅『客W』，最近馬體會順風順水，改變踢法雖然冇咁悅目，但勝在反擊夠致命，經常三四腳波就攞對手命，反擊核心嘅基沙文近兩仗都有入波，夾埋專係客場入波嘅費托（圖）就更加冇問題，放心支持！」
另外，英超方面，推介般尼對阿仙奴嗰場嘅槍手上盤。阿仙奴以七連勝之勢進逼車仔，好多阿迷都話今季唔係冇機，因為𠵱家歐聯出咗局，更加可以全心打聯賽。般尼近五仗一勝一和三負，兵工廠嘅基奧特連續五場聯賽有波入，讓般尼半/一，實冇甩拖！
本地職業領隊
耳聽八方 專收好料