做過政務官，真係吃香好多！港鐵噚日宣佈委任47歲嘅蘇家碧Linda（圖），擔任新設嘅公司事務總監及執行總監會成員。呢個新職位有乜任務？港鐵話喎，要配合公司因為業務發展而需要進一步增進與持份者交流及對外溝通。
1989年起加入政府嘅Linda，曾經喺前特首煲呔任政務司司長時做過佢新聞秘書，2011年12月底離職前任商務及經濟發展局副秘書長（工商），之後一年喺康文署以合約形式任市場及業務拓展總監。過完冷河後，2013年任工總行政總裁。港鐵今次重金挖角，出到年薪348萬元打動Linda芳心，但唔包括酌情發放嘅非固定薪酬。Linda本年9月16日起出任新職，為期3年。