【本報訊】港股連日狂升，不少股民「大有斬獲」，有人豪花逾萬元到鯉魚門食龍蝦、鮑魚及象拔蚌；有人就購買新電話及相機，甚至有股民獲利約六位數字，沽貨改買磚頭，扑槌購入青衣青怡花園一個約300多平方呎單位，一圓上車夢。餐飲聯業協會會長黃家和稱，4月是飲食業傳統淡季，但股票興旺刺激港人消費意欲，料本月餐飲收益按年增一成，高達82億元。
賺六位數買樓
股票連日狂飆，即使港股昨升幅放緩，銀行仍有大批市民聚集，留意報價和港股走勢。短炒投資者黃先生稱，升市首日已沽貨離場，賺取了2萬、3萬元，「點知原來仲有得升，都冇計啦，俗語話賣仔莫摸頭，𠵱家冇貨一身輕」。他又憶述08年金融海嘯曾損手20多萬元，故現時投資謹慎，「𠵱家好似嗰陣時咁，係咁升都唔會再追貨」。
退休人士梁先生稱，過去數年一直有買股票作保本及收息，形容近日中資「蟹股」表現不錯，預計快將「出貨」，會保持平常心，不作高風險投資。他又笑言，近日在股票市場都有斬獲，購買了新電話及相機「獎勵自己」。
有地產經紀透露，有股票大戶投資獲利後改買磚頭。一名有意「上車」的客人連續兩個月四出睇樓，物色約400萬元的單位，惟因大部份二手單位超出預算，置業計劃被迫叫停。但近日港股牛氣沖天，該名上車客在股票市場獲利約六位數字，隨即將資金投入樓市，扑槌買入青衣青怡花園5座高層E室，實用面積343方呎，呎價1.23萬元。
有股民沽貨買磚頭，有人就選擇大擦一餐慶功。鯉魚門快樂漁港酒家董事總經理羅谷瑜表示，連日來晚巿座無虛席，「啲客嘅話題都係講股票賺到錢，嚟呢度食餐好嘅」，除了食龍蝦、鮑魚外，更會叫貴價加拿大象拔蚌、長腳蟹等，生意額急升一成多，一席花逾萬元，「平時人均消費約600蚊，呢幾日就過千蚊」。
葵芳御苑行政經理黃東雲稱，近日不論午市或晚市，食客都較豪氣，更多點海鮮，甚至南非新鮮鮑魚或龍蝦等貴價食品，有客人花費8,000至9,000元。他又稱「股市升都見到啲客好闊綽」，生意額較平日上升約兩成。不過，沙田第一城有酒樓經理則指，股市升並沒有刺激消費意欲，指現時小股民「好天收埋落雨柴」，審慎消費。
■記者譚靜雯、彭美芳
