鄭少秋主演的經典劇《大時代》，同時衍生了「丁蟹效應」，每逢秋官有新劇或節目推出時，股巿必大幅受到波動。秋官近日演出節目《Sunday靚聲王》，連日股巿都不停升，他昨晚返將軍澳進行錄影，記者再問秋官股巿再現「丁蟹效應」，他風騷說：「梗係升啦，港交所升得好緊要，失諸交臂啦我，冇執到，港交所唔會『冧』晒。」
秋官表示自己是穩陣派，不敢投機，只買滙豐，他說：「我冇時間搞，多數老婆搞，等佢執番少少買菜錢。」秋官不介意每次股巿波動都被指受「丁蟹效應」影響，網民又晒cap圖，他說：「咁久唔久觀眾就記得我，唔會忘記我。」秋官對後日開巿又有預測，他說：「下周一應該升，我梗係話升，破咗詛咒。」
撰文：劉敏