「Andy（曾偉雄），感謝你！」喺Andy嘅英明領導之下，香港警務處今年終於成立咗網絡安全及科技罪案調查科，仲有網絡安全中心，裏面嘅180位精英幹探，佢哋有如慈母般，日夜守護住香港人嘅網絡安全。聽聞Andy喺5月就會退休，咁啱有官場奶媽之稱嘅政務司司長林鄭月娥噚日就專誠拜訪警察總部，喺Andy嘅陪伴下，參觀咗網絡安全及科技罪案調查科，了解吓處理科技罪案嘅一啲法理鑑證技術。
睇完高科技嘢，林鄭之後仲到訪咗警隊嘅神秘部門──反恐怖活動及內部保安組，睇吓香港警察係點樣打擊恐怖活動。講開反恐，Andy喺5月退休後，下任熱門一哥人選、現任副處長盧偉聰，都曾經做過保安部阿頭，對反恐工作都相當熟行㗎。