學民思潮發言人黎汶洛前晚突然引述一名泛民議員話，民主黨立法會前議員張文光已經將佔中發起人戴耀廷提倡嘅「八成否決權」方案同中央講數，話只要中央願意讓步就可以令部份泛民議員轉軚袋住先。嘩，咁大指控，張文光前晚已經否認，話傳聞係子虛烏有。
知道搞錯，黎汶洛噚日朝早自動收回相關言論，話對引起各界疑慮深表歉意。佢話喎，學民經常同不同議員交流，唔方便公開佢引述嗰位泛民議員係邊位，但堅持此消息已經喺政圈流傳半個多月，認為空穴來風，事必有因，似乎仲有啲存疑態度喎。張文光同八方講，歡迎年輕人勇於改正，希望有機會同黎汶洛多溝通。