【本報訊】民主黨中委黃成智撰文支持政改「袋住先」，觸發黨內激辯。民主黨主席劉慧卿直言，黨內有人對黃的言論「嚇咗一跳」，呼籲中委們「按番（中委）啲規矩」，並指下周四中委會將討論有關問題。同樣認同袋住先的民主黨中委狄志遠則力撐黃成智，冀該黨就政改進行辯論。
記者：呂浩然
劉慧卿昨出席電台節目時形容，黃成智撐袋住先的文章發表後，相信黨內「有啲人係比較嚇咗一跳」。她又說：「我哋黨係希望黨友按番啲規矩，大家去做事，但係黨友一定係有言論嘅自由，尤其是你係中央委員會成員，咁梗係希望大家開會、大家去討論。」
狄志遠讚黃有勇氣
劉續指，已經收到該黨中委許智峯日前發出，向民主黨紀律委員會投訴黃成智的信件，而中委會將於下周四開會處理。已表明拒絕收回言論的黃成智回應稱，不會出席該次會議，認為有需要避席。
狄志遠昨日則力挺黃成智，相信黃撰文前已考慮到現時面臨的情況，指黃既然願意承擔這局面，「（個人）欣賞黃成智嘅勇氣」。狄更慨嘆，中委要承受較大壓力，指「事實民主黨裏面係有唔同嘅聲音，呢個存在嘅……用規條嚟綁死人嘅說話，呢個未必係一個最聰明嘅做法」，並建議民主黨內部以開放的態度和空間進行辯論以解決問題。
投訴黃成智的許智峯卻指出，既然黃亦是中委，自必了解民主黨的立場，因此「如果喺黨裏面有過深刻嘅討論，咁黨裏面都有民主嘅表決程序，咁樣我覺得先係對民主黨公道」。
按民主黨相關程序，只需5名黨員聯署就可向紀律委員會投訴，而許智峯已齊集5個聯署。據了解，按照一般情況，紀律委員會收到投訴後會先開會，決定要否成立3人小組跟進；若成立小組，會約見投訴人和被投訴人解釋，然後小組向中委會交報告，若裁定違反黨紀的投訴成立，輕則提出書面警告，重則可革除黨籍。