呢場政改大戰嘅風向，到底會係點？唔通香港天文台總部嘅儀器，除咗颱風、勁到連政改都可以監測，令主理嘅政務司司長林鄭月娥噚日都專程去實地參觀「收風」？
新聞處話喎，林鄭喺天文台台長岑智明等職員陪同下，喺總部內視察，包括聽取部門工作人員介紹24小時不停發放嘅天氣預報服務，又去咗錄影室look一look，了解天文台進行天氣簡報同DIY電視天氣節目嘅情況。據知佢對天文台嘅網站、流動應用程式等深受歡迎都畀like，仲對部門喺提升公眾對氣象同氣候嘅興趣及知識方面嘅努力予以肯定。唔知林鄭會唔會親自上場做天氣女郎，預報政改前夕係咪有颱風？