梅艷芳03年因子宮頸癌病逝，雖然留下了一億元遺產，臨終前又成立信託基金管理，包括安排每月給7萬元生活費予母親覃美金，惟梅媽和哥哥梅啟明多次耗巨資爭產打官司，終被法庭宣佈破產，其以43,000元租住跑馬地單位，亦因連續六個月欠租，昨日被執達主任收樓，梅媽則因為身體不適，離開寓所後要入住聖保祿醫院。
「食龍肉都無味」
昨日四名執達主任及律師登門收樓，一臉憔悴的梅媽穿睡衣坐在客廳，與執達主任對峙不肯離開，有五名警員在梅媽報警後抵達。本報記者致電梅媽查詢是否被收樓，她激動說：「係呀，我要踎街，我死都坐喺度唔會走，要鎖就鎖埋我喺裏面……鎖匙、嗰啲魚唔畀我哋帶走，要我走我唔會走，我陪埋佢哋喺裏面。」
陪伴梅媽的除了梅媽契女，還有一位自稱是梅媽秘書的譚先生，梅媽契女要求多給兩周時間，指梅媽已經租了新屋，但卻未能提供新租約或地產經紀資料，最後梅媽於各人陪同下，約在下午4時半離開，轉到聖保祿醫院。
梅媽表示自己心臟一向不好，所以昨日入院要接上心臟起搏器，梅媽看着醫院食物擰頭說：「食龍肉都無味，要食八粒藥先食少少，唔係真係食唔落。」她又說：「滙豐一路都同我交緊租嘅，佢𠵱家就唔同我交啦！詳細你問阿頭（譚先生）。」記者問梅媽是否暫時住醫院休養？出院後住哪裏？梅媽表示：「見步行步啦！我會去法庭問陳江耀（法官）攞錢！係咪俾人撳住佢？佢怕乜？一啲正義都冇！」梅媽又謂，昨日只拿了兩件衫，連阿梅遺物也沒有拿。
新居冇錢交按金
梅媽住院期間她與譚先生不停接電話，相信是地產經紀來電，其間聽到譚先生要求找八百至九百呎單位。據知梅媽已看中銅鑼灣一個月租28,000元的單位，但目前未有錢應付兩個月按金及一個月上期，加上她有欠租紀錄，故只能以孫仔名義租樓。另外，昨日一直未有露面的梅啟明，記者致電問他為何不探梅媽，他表示：「因為我都病咗，我都睇緊醫生。」
採訪：羅慧敏、浩騫
攝影：吳耀輝、黃曉程
