【撬票熱門訪問】
【本報訊】又傾又砌的路線，令立法會內的「一人黨」民協馮檢基成為政府撬票熱選。馮檢基坦言，對外界老是將泛民如何開價、轉軚感到不是味兒，並皺着眉反駁，外界為何不花心神於中央拒與泛民談判：「五部曲裏面，只有一部係立法會，其餘四部都係中央政府同特區政府。」他重申主事政改的相關官員，應與泛民展開對話。
指泛民想法不科學
受訪當日傳出有溫和泛民擬發起10萬人聯署，冀「袋住先」踢走梁振英。馮檢基反問發起聯署的泛民，為何如此肯定「有一人一票就冇梁振英」，「呢個想法好唔科學，等於叫我信嚿木頭係神，有民主派咁樣諗好奇怪喎。乜都唔討論，就叫大家（泛民）改個立場，我認為好難叫我轉軚，係不可能」。
至今堅拒袋住先的馮檢基，更形容早前放風稱政改若否決、梁振英篤定連任的所謂權威消息人士只是塘邊鶴，發表「妖言惑眾嘅假命題」，「踢走梁振英唔係針對一個制度，你屆屆都要靠負面嘅方式，去處理一個正面嘅問題……選舉原本係要用正面嘅方式、找出我哋欣賞支持嘅人，（為何）倒番轉頭，我哋嘅選舉係去剔走一啲我哋最憎嘅人？」對於建制派欲以否決政改在年底區議會選舉狙擊泛民候選人，擁有逾30年直選經驗、現為深水埗區議員的馮強調，只要扎根地區工作，毋須擔心投票意向會令區選選情受影響。
■記者姚國雄