賭王四太梁安琪卸任保良局主席一職，其子猷亨則首度做總理，二人昨日現身就職典禮，超盈及超欣到場為他們打氣。四太在台上宣讀新一屆成員名單到猷亨時，她叫他起身：「畀啲心機。」四太受訪時笑言囝囝21歲，是保良最後生的小總理：「同佢講咗做慈善工作要全心全意，同放低身段先做得好。」
問猷亨會否冇時間拍拖，他表示：「我工作至上，好多前輩可以學習，有咁嘅機會好高興。」四太笑言卸任後可以去旅行，問她早前猷君與女子組合BY2成員Yumi甩拖，她表示：「猷君嘅事等佢返嚟先講。」此外，蕭定一拖實陀有五個半月孖B的太太到場：「爺爺已改好中文名，英文名未諗。」
採訪：羅慧敏
攝影：沈健程