劉德華與朱麗倩所生的愛女劉向蕙（Hanna）下月便滿3歲，多年來華仔為保護家人及避免Hanna靚樣曝光，一直保持高度戒備，包括花費兩億買加多利山獨立屋。不過，有周刊拍到朱麗倩攜Hanna，上周四由香港機場出發到北京會華仔，天王女趣致靚樣首度曝光！
跟母不停說話
據知，正身在北京為電影《長城》開工的華仔，本計劃月初向劇組請假回港，事關大前日是愛妻49歲快樂生辰，而且希望趁復活節假陪伴女兒，但因為電影拍攝時間緊迫，華仔才改為妻女到北京探他。
報道指出，朱麗倩當日攜天王女出巡相當大陣仗，護駕的人包括華仔助手、兩個外傭及兩個工人，朱麗倩與Hanna抵達前，還有兩個保鑣先在機場視察，之後華仔助手再抵達，安排十多個行李篋寄倉，接近入閘時間朱麗倩才在兩名外傭傍到實下現身。
為免由自己抱女惹來注視，朱麗倩當日將女兒交由外傭手抱，可愛的Hanna眼大、鼻高、嘴細，完全集結了父母的優良血統，Hanna對機場人來人往顯得相當好奇，不時眼仔睩睩、精靈地四圍望，等候登機時，Hanna嘴仔幾乎沒停下來，不停跟媽咪說話，見到停機坪的飛機，更開心得大叫「飛機呀！」又邊跑邊開心大聲說：「去搵爹哋！」
公園玩電動車
抵達北京後，朱麗倩於上周六兒童節，帶Hanna到超級市場買日用品，之後再到朝陽公園玩，其間更租了電動車陪她遊公園，兩母女又開心影合照。
華仔視fans如家人，有指他去年出席歌迷會聚會時，曾表示待女兒3歲會帶她給大家看，而本報昨日致電華仔，問他可會擔心？華仔只簡單回應說：「多謝關心。」
採訪：鍾國仁