「唓～個個拍電影都話個場地猛鬼㗎啦，有幾猛呀又～」猛到被CNN都列作全亞洲十大恐怖地點之一嘅達德小學，夠猛未？
嘉賓何超儀，今集大爆拍攝《全力扣殺》期間，達德小學內發生嘅恐怖事件。「個校舍四方形，中間有個球場嘅，側邊嘅角落裡面，有一啲好似水飯房、監倉咁嘅嘢…」嘩咁驚！？認真佩服演員們同攝製隊嘅膽量！
同樣猛嘅，仲有一班騎呢角色卡士。鄭伊健 、梁漢文 、劉浩龍 、鄭中基、 何超儀 再加埋邵音音都不特止，連「南海十三郎」謝君豪同「蘇格蘭場非工業用國際線路自動溶雪十六嘩咾風油呔垂直升降連鐳射彩色洗衣乾衣氣墊毛筆」林敏驄都有份主演。
一個聾嘅前賊王（鄭伊健飾），帶住個成日壞嘅助聽器，搞到時聽到時聽唔到嘢；一個獨臂嘅前大盜（梁漢文飾），帶隻勁長嘅假手走去打羽毛球，所以開唔到波；再加個語無倫次嘅酒鬼大師（林敏驄飾），騎呢到爆。超儀仲話，林敏驄今次勁有可能憑此片入圍金像獎最住男配角添。
何超儀 Makeup: Ling Chan@ ZING the makeup school Hair: Ben Lee@ AGLOW private I Styling: Adrin Yeung
杜如風 makeup: Jenny Tziong hair: Jacky@hairculture