「成功需父幹」，好似阿陳生咁，月入一萬，月儲一千，三年儲得三萬六。但點解都買得起將軍澳新盤嘉悅？因為陳爸爸借咗六百幾萬俾佢，一炮過俾錢買入兩房單位。
「勵志新盤」嘅故事，比比皆是。以下呢個……係陳小姐嘅故事。同「嘉悅陳先生」無關，同錢國偉有關——錢國偉女友陳宛蔚是也。
昨早陳宛蔚貼咗輯家庭相上微博，當中包括Honey錢國偉。陳宛蔚話是日有個Family trip——唔係清明應節，而係睇樓團！
陳宛蔚冇講去邊度睇樓，但睇完之後就話喇:「600萬樓，四成首期，要240萬cash，律師費加税約25萬，如還款期是20年的話，月供約2萬，要過壓力測試，月入要約5萬蚊！哼哼！成功需苦幹，但80後要買樓真的需要『父』幹！加油吧！」
友人笑言：「成功靠夫幹都得！叫肥仔（錢國偉）一炮買！」陳宛蔚點會買唔起？買唔起嘅只係冇父幹嘅80後而已！
「成功靠夫幹」實例：
【港女本色】前大台奀星岑潔儀生日收「天晉」 入半島坐頭等
http://bit.ly/1HKtkPj