【撬票熱門訪問】
【本報訊】會計界立法會議員梁繼昌自特區政府啟動政改後，成為政圈搶手貨，除政改三人組透過飯局拉票，幾大建制派政黨如民建聯、經民聯、工聯會、自由黨的頭目亦助中央充當中間人，積極約見游說他「袋住先」。群星拱照足證他被認定轉軚指數高，梁則向撬票者送上大檸檬，重申8.31下的政改方案「冇得傾」。
記者：林俊謙
梁繼昌接受訪問時透露，建制派巨頭如民建聯主席譚耀宗、經民聯副主席林健鋒、工聯會榮譽會長陳婉嫻以及自由黨榮譽主席田北俊等，過去先後出口希望他能袋住先，認為「阿爺應該有叫佢哋幫手（拉票）」。
與此同時，政改三人組也曾與他共晉兩次早餐及一次晚餐，可見其手上一票亦被政府垂青，但建制派與政府的主動出擊至今未能令梁轉軚，他明言：「佢哋呢個任務（撬票）係唔能夠完成。」
信任選民 不怕受懲罰
梁強調，他投票時有一個重要原則：「最唔鍾意啲人指鹿為馬」，認為《基本法》列明會落實普選，那就不應限制港人對特首候選人的選擇權，「普選必須係要符合聯合國公約下嘅普選，否則唔應該喺《基本法》用『普選』呢個字，你可以用『選舉』。你用得『普選』，但你其實唔係普選嘅時候，你係呃咗香港人，廿幾年都係呃咗香港人」。
其實梁繼昌之前曾拋出符合人大8.31框架下的另類方案，包括將提委會的1,200人「大洗牌」，用最民主的方式選出，以及將提名門檻參照佔中發起人戴耀廷建議，提高至八至九成，以迫使候選人必須屬中間派人士，「但政府話冇時間、冇能力，亦冇信心可說服中央，完全唔去諗，接唔到招」。
雖然建制派一再警告，否決政改者會在下屆選舉受懲罰，梁仍深信選民能作出明智選擇：「一個政治人物要作出最負責任嘅選擇，要基於佢自己嘅理念；如果冇理念，咁出嚟選為乜？」他亦指政改一旦被否決，泛民應該研究「後政改時代」，如何與中央重建互信，以爭取重啟政改：「有人話可能要等5年、10年，但都要做，呢個過程非常艱巨，但如果冇一個互信或合作關係去做，係做唔到（真普選）」。