【記者直擊】「劏場大王」尹柏權兩年多前劏出3大商場，包括尖沙嘴首都廣場、荃灣地皇廣場及荃立方，首2年保證租金回報將近屆滿，小業主陸續收回舖位，惟部份以平租作招徠仍十室九空，租客意興闌珊萌生棄意。
記者：陳家雄
攝影：黃耀興 許頌明
上周日記者趁復活兼清明五天長假重臨首都廣場，劏場1樓約200個舖，入伙一年多，當年原由運動品牌租用多個相連舖位已退租，空空如也，全層租客屈指可數，保守估計出租率約一成，正值下午2時，駐足1小時，人流不足一百。
半年前接受本報訪問的租客黎先生在場內賣手機配件，再次受訪，「人流無改變，每日以百計……」該場今年初推月租1,000元、租約期3個月的推廣，一度吸引不少租戶進駐，「嗰份租約完咗，業主加至月租2,000元，啲人試咗3個月，覺得冇人行，咪走囉！本來呢條街（直指最旺人流商舖）填滿租客，但𠵱家走咗一半」。
荃立方租客「早餐都賺唔到」
黎生留守，惟經營情況無改善，坦言未回本，人工未賺到。就算再平租、惟租期太短，商場未填滿租客，根本無人夠膽進駐。小試牛刀大半年，現在意興闌珊，「九成九唔會留喺度」。
荃立方亦是劏場大王的傑作，入伙一年多，整體出租率40%。張小姐半年前以月租1,000元租30呎舖，回顧過去半年營業狀況，她回應：「嘩！蝕到趴喺度。最差𠴱個月，差到不可想像，10蚊早餐都賺唔到……最好嗰個月，只是賺到月租的四分一，大約500蚊……租約仲有幾個月到期，如果仲未賺到租，真係唔租啦！」
劏場並非全軍覆沒，同為尹氏劏場，較近荃灣地鐵站的地皇廣場卻有另一番光景。何先生去年年中以月租逾1萬元，租地皇廣場30方呎舖賣首飾，「做咗10個月，賺到租金，賺唔到人工」。也要死守十個月才能見改善。上月搬到商場鄰近扶手電梯當眼位，過去1個月銷售情況大躍進，「有錢賺，賺到舖租，又賺到人工」。場內最入兩舖，一間賣化妝品，另一間做美甲及足浴，生意也不俗，後者經營兩周已賺回舖租。
【蝕得好勁】
荃灣荃立方租客張小姐：「蝕到趴喺度！最差嗰個月，差到不可想像，10蚊早餐都賺唔到……最好嗰個月，只是賺到月租的四分一，大約500蚊……希望日後可以賺到舖租，賺多少車費和使用啦，但唔知等幾耐。租約仲有幾個月到期，如果仲未賺到租，真係唔租啦！」
【加租就走】
首都廣場租客黎先生：「嚟緊暑假前夕，小業主陸續收番啲舖，睇吓到時咩情況，如果小業主唔向現實低頭，要加租，就走囉，搵第二度。呢個場，你問10個，10個都會話尖沙嘴係無問題㗎喎！問題係劏舖有個手法做得唔好，就係大業主保證首兩年租金回報，應多啲推廣！」
【賺到舖租】
荃灣地皇廣場租客何先生：「有錢賺，賺到舖租，又賺到人工，（人工萬多元？）係。我哋12點開門，到𠵱家4點，個場都有二、三百人流，我覺得個場有得做。場內仲啲舖頭未開晒，人哋上到來冇乜嘢睇，但遲啲會陸續開足，到時多啲嘢睇！」
