吳若希的母親早前因單車意外昏迷入院，前日終於清醒，昨傍晚5時許吳若希跟弟弟再到醫院探望，緋聞男友溫家偉、周志文、唱片公司高層何哲圖、吳母男友等陸續到達。對於住在福州的吳爸爸被雜誌起底，指他長期失業連二千多元的社保都沒錢繳交，吳若希沒好氣說：「起乜嘢底，微博嘢佢自己post出嚟，爸爸好多年前寫，因為佢唔見銀包㩒唔到錢。」
吳若希否認爸爸經濟有問題，還教記者如何搜尋爸爸的微博，她說：「佢如果咁差，我都唔會住得咁舒服。」問有否給爸爸生活費？她說：「佢哋唔需要我筆錢，唔係急用我筆錢生活。」約7時吳若希一行人離去，何哲圖表示吳媽媽情況有好轉，四肢有郁動，吳若希說：「原來病人對家屬聲音特別敏感，護士叫佢唔理。細佬聽日去北京交流，回鄉證俾媽咪鎖喺櫃內，問佢都有反應，好開心。」溫家偉說：「鬆一口氣。」
採訪、攝影：溫敏芝