老闆陳智思最愛呢間Cafe嘅藜麥粟米餅，佢每次去到必食。採訪當日，廚師準備好幾道招牌菜做佈景，陳智思不介意呢碟粟米餅已經放涼了，影相時順便食埋，可想而知佢係幾咁鍾意呢道菜。
陳智思坦言，原本都唔知道藜麥（Quinoa）係乜東東，經姪女Stephanie介紹，先知佢係美國大熱嘅健康食品，近年傳到香港。藜麥原本來自南美，雖然叫做麥，但其實係一種可食用嘅種子，口感像芝麻，帶有淡淡堅果味。而呢道藜麥粟米餅就係將原條牛油焗粟米起粒，打蓉，再加黑白藜麥製成，好有𡁻頭。
除咗健康食物，呢間Cafe亦有提供近年女士最愛嘅冷壓果汁。冷壓果汁採用冷壓技術，萃取蔬果中嘅營養成份與酵素，避免機器高速旋轉下產生嘅熱度，破壞當中營養。問陳智思喜歡飲邊一款，佢就耍手擰頭，似乎唔多喜歡凍飲，果然識養生！