內地股民炒股只看概念，但又如何得知，甚麼股屬於概念？
所以股名最重要。近兩年，有唔少公司改名之後，股價都可以大升，令人大開眼界。最犀利的，是寶利來改名叫神州高鐵，食正近期高鐵股的大升浪，其實公司原本是做飼料。餐飲股湘鄂情，去年7月改名中科雲網，號稱做大數據，亦是經典例子。
熊貓煙花，股民一聽這個名就不會想炒，公司於是改叫熊貓金控，股價馬上彈升。仲有科冕木業，公司改名叫天神娛樂，宣佈進軍最紅的文化娛樂業，只要有概念就得，從此脫胎換骨。
仲有間公司叫星河生物，已經符合最熱的生物科技概念，但公司於2012年改名叫茹木真，結果股價大跌，老闆見唔對路，2013年1月又改番原名，即刻連續四日升停。
黃尹華