80後女生Loklam與朋友2012年底赴德參與工作假期，以截順風車、做沙發客等慳足一年，現正準備將在德生存秘訣結集成書，教後來者「窮住去旅行」，同時分享從旅遊獲得的啟發，包括「結婚、買樓、生仔」這條方程式，「正路，是否就等於正常？」
Loklam早前在facebook開設專頁「德國丫，唔該」，分享在德國生活點滴。兩個女子外遊，理應安全至上，Loklam與友人卻「迎難而上」，選擇截順風車、做沙發客，以「高風險」慳字訣生活。
一日只做一件事
Loklam說此生活方式，兩星期暢遊德國5個城市，每人慳300歐元。但更重要是藉此在旅途中接觸更多有趣的人與事，「截車最好去油站，有機會同車主傾吓……有一次畀個靚太『執』咗上車，兩三個小時車程認真講歐債危機」。她們試過在路邊等足3小時，才成功登上順風車；截車一大原則是：入夜前若不成功，必須放棄。
另類出遊，無非想擺脫港人固有的旅行框框，「香港人嘅旅遊方式，係到此一遊，跳起Yeah，但去完可能唔記得晒……（參觀）30間教堂，間間都差唔多……我哋（則）一日只做一件事，城市有10個景點唔一定要去晒，有時坐喺街邊，睇住啲人行來行去會係更好嘅娛樂」。
Loklam欲將遊德記出版成書，除教人慳住旅遊，也重點分享旅遊態度，包括遊德後對人生的看法。
在港生活20多年、Loklam卻在離港一年後看清土生土長地方的不合理，樓價過高是一例，在德國，6,000元可租用又大又舒適的房間，「香港連劏房都未必租到」。德國人的自在生活方式，亦令她有所反思：「香港七成嘅年輕人會揀結婚、買樓、生仔，但最多人揀嘅『正路』，係咪就等於正常？」，「當試過好窮咁樣去旅行、特別孭背包只可以帶啲基本嘢，就會發現真正需要嘅嘢，其實唔多」。
記者 陳雪玲
