【銅鑼灣】講明唔會再減肥嘅鄭欣宜,大前晚同男友Silas Lee,加埋大班朋友近10人,齊齊喺銅鑼灣食甜品keep fat,離開時見到欣宜男友本來負責埋單,但可能唔夠錢或者冇散紙,結果要向同行朋友們求救,欣宜本來第一個走出嚟幫手,可惜打開銀包得張一千蚊紙,其他朋友就即刻圍番埋集資,由於佢哋人多,加上甜品店門口窄,所以埋呢張單都搞到好大陣仗,之後大班人再殺入附近一間24小時營業嘅超級市場買酒,欣宜好熟手咁攞咗幾支紅酒放入購物車,然後成堆人分別坐幾架的士走,明顯要趕下場。
採訪、攝影:吳耀輝、楊浩賢、朱志聰