當唔少政界中人趕上日本賞櫻潮，新民黨主席葉劉淑儀就去泰國過熱辣辣嘅復活節。但葉劉遊泰唔係一如港人，進擊泰國嘅陽光與海灘，又或者豪買豪食做大款，而係自訂「文化之旅」，特別去到曼谷文華東方酒店舊翼旁邊嘆英式下午茶。
曼谷文華東方酒店舊翼嘅現址，有咩咁巴閉，吸引着住熱褲嘅葉劉去嘆茶？葉劉喺facbook話建於1887年嘅酒店舊翼係兩層高嘅建築物，舊翼旁邊係供應下午茶嘅地方，叫做「The Authors' Lounge」，雖然細到只係擺到幾張枱凳，卻係唔少歐洲大文豪當年嘅「聚腳點」，好多人喺度留低後世文學巨著。佢仲話《動物農莊》嘅作者George Orwell，當年都住過呢間酒店，所以佢專程留低足迹，感受吓文化氣息。