唔少立法會議員都趁日圓低水，喺復活節假期去咗日本鳩嗚。民建聯嘅鍾樹根現時都身在京都，遊日期間，佢不忘喺fb留言話，此行嘅目的係要「為國爭光」。
此言一出引起唔少人無限遐想，唔通佢同唔少港男一樣，訪日無非要盡一己之力，為阿爺報國仇家恨？
八方勸大家無謂諗咁多，其實Tree根只係話，呢次要趁日圓低水，「去日本豪一豪」，用豪客身份「為國爭光」啫！
佢話喺京都遊覽咗蹴上鐵道、哲學之道，兩個地方都櫻花處處，枝枝滿開，仲話喺雨中睇見落櫻紛飛，「粉白而帶點淡紅的花瓣，拱手可掬，煞是浪漫」。原來同樣身在日本嘅工黨何秀蘭Cyd，日前喺嵯峨野他鄉遇Tree根；唔知Tree根覺唔覺得，同阿Cyd異地相遇，係無名份的浪漫？