梁詠琪湊B女出動愛揀酒店及餐廳，貪其環境乾淨方便照顧BB，不過其實選擇一樣可以多樣化，很多星級父母就愛帶子女享受大自然。
親親大自然：楊千嬅、Cara G、Dino
楊千嬅同丁子高之前去咗郊野公園享受家庭樂，丁子高仲帶埋架BB版林寶堅尼出嚟，俾囝囝Torres喺草地玩！
Cara G跟老公Jesper一有時間，就會帶一歲嘅囡囡India去山頂行山、海灘游水同喺草原曬太陽等。
組合Soler細孖Dino，之前帶住可愛度爆標嘅囝囝Damiano入南丫島，曬曬太陽兼游水，Dino話既可親子，又可以令囝囝吸收多啲維他命D，增強免疫力無咁易病。
主題樂園：鄭中基、錢嘉樂
早前鄭中基就同囡囡Emma去海洋公園玩，雖然Emma未夠秤玩機動遊戲，不過有爸爸媽媽陪住坐纜車同小火車都夠開心啦！
錢嘉樂同湯盈盈之前就同囡囡錢凱晴去迪士尼玩完後，仲幫囡囡喺樂園舉行兩歲生日P，又幫凱晴打扮到成個小公主咁，好cute cute。
另類選擇：林嘉欣
除了去海灘、郊區等，林嘉欣亦會抽空與囡囡一同上陶瓷班學造杯、碗等陶瓷製品。