在上次谷草夜賽，雷神莫雷拉表現只是一般，雖然他在騎師王上拿到28分，不過卻未能取得任何頭馬，令不少馬迷損手爛腳。但各位雷神粉絲可別太早失望，皆因同類情況在近期出現過兩次，結果他都能在翌次沙田賽事大爆發，一次贏5W，另一次更贏6W。而在今期賽事中，雷神又有不少惡馬列陣。
其中第八場三班1600米的「鈦金剛」，最近已經取得三連捷，而且這三場的鞍上人均是雷神，可見人馬合拍。今次雷神不放手，再戰曾經贏過的1600米，看來勝望甚濃。
除了上駒外，莫雷拉還有「歡悅星」、「神舟十號」及「步步友」等實力座騎，雷神要連場數糊，真係話咁易。所以大家識做嘅，今期就咪同神作對！