周二復活節賽日用B加2跑道作賽，呢條跑道一向對內檔馬有利，以最近3月1日為例，當日八場轉彎路程賽事，當中七場有一至三檔馬上名，而且包辦半數頭馬，反而10檔或以外馬僅兩駒入位，演出可謂差天共地。至於跑法方面，「金威勝」、「一哥」、「又襟又準」及「詠彩繽紛」都係守於前領馬之後貼欄或二叠有遮擋位置建功，宜優先留意具前速之馬匹。
今戰列陣馬中，第五場「又襟又準」上仗正是於3月1日田B加2欄贏馬，勝後刻意等番同一移欄先再跑，擺明想在強項再取頭馬。另外，第六場「金錢路」乃全場唯一贏過B加2欄嘅參戰馬，均速馬擺前走賺形勢又可言勝。