國際賽期話咁快就完，各地聯賽恢復正常，今日首選日聯場FC東京對甲府風林，FC東京最近狀態十分唔錯，國家隊新貴武藤嘉紀以三球喺射手榜領先緊，而東京暫時四個入波之中有兩個來自死球，而負責開死球嘅太田宏介，剛啱喺國家隊就有一個助攻，相反甲府四場只入一球，唔推介大家都識揀，主W有1.78倍唔好錯過。
另一場心水，就係德甲多蒙特對拜仁開「大」。多蒙特狀態依然飄忽，拜仁六連勝斷纜，雙方各有問題，「蜜蜂兵團」近兩場失五球，拜仁就淨輸慕遜加柏兩球，兩隊防線都唔多妥，但雙方攻力仍在，多蒙特前鋒奧巴美揚上仗入兩球，拜仁班前鋒就個個執豆咁執，「大」亦有理。
最近流浪漢多咗個好波之人高麗新援韓載雄，由於聽聞話佢都係好波之人，所以上星期日行去九龍灣公園睇吓佢咩料，雖然場波流浪漢輸五粒，但個韓國仔又真係幾好波，忽左忽右，上腳亦好，搞到均宜都唔敢埋得太快，打完場波，當然捉佢埋一邊傾吓佢對香港波嘅睇法，佢就豎起大姆指，我話你咁識撈呀！
佢就話：「我咁嘅年齡喺韓職踢實在有啲辛苦，但香港咁嘅比賽節奏，我就冇問題，加上香港球員踢法斯文，真係啱我發揮㗎，仲有，知道你有寫吓波仔，下星期三祖家有場亞冠盃越南嘅平陽對南韓嘅全北汽車，當係見面禮益你，呢場全北必勝。」
本地職業領隊
耳聽八方 專收好料