吳君如昨日以評審的身份，在旺角出席第39屆香港國際電影節頒獎禮之夜，共頒發五項電影獎，當中由內地導演賈樟柯監製的《K》奪得新秀電影競賽及國際影評人聯盟獎兩個獎項，成為大贏家。首次擔任評審的君如坦言獲益良多，希望評審身份可邁向國際。君如現時當上監製，但冇意淡出幕前，她笑言：「我太靚演技太好，唔好浪費，我仍然喜歡做演員，下部戲做監製同導演係我夢想。」
亞視面臨倒閉，君如父親夏春秋（冬叔）為開國功臣，君如說：「我諗最黯然係我老竇，邱德根去世我老竇有份做治喪委員會，一輩子效忠嘅電視台突然冇咗，我都同老竇講move on。」君如覺得事件好欷歔，但贊成香港多一個電視台。
採訪：卓寶花
攝影：沈健程