前些時本欄提及九龍塘會，講到好多年前九龍塘會嘅鄧博士曾經叫過左丁山入會。後來有人問左丁山鄧博士係邊位？鄧博士叫做鄧賢，學歷好巴閉，早年留學美國，攻讀保險，係中國第一位保險學博士，好似中國第一位會計學博士楊汝梅先生咁，自美國返回中國大陸後，在國民政府財金部門任職，1949年之後，走落嚟香港。楊汝梅博士加入新亞書院創辦會計系，鄧博士就入咗美國領事館做中國研究，佢位千金鄧邦慧係新亞書院藝術系畢業生（1968），在校時打籃球好叻，係新亞女子籃球隊主將，鄧博士做過九龍塘會理事會秘書好多年，故此曾經叫過左丁山想入會就搵佢。
三月二十九日沙田馬場有中大校友會聯會盃，校友聯會包下「賽馬會廂房」，二百餘人坐滿廂房內，一位年青校友得知徐立之會在四月十日及十一日兩日內作公開演講三場，就是為了「任國榮先生生命科學講座」，問任國榮先生是誰，大概後生一代對早兩代嘅學人所知甚少啩。返到屋企，搵番一啲任先生資料，抄錄如下，希望大家對上兩代學人可以知多啲，知識累積係靠一代傳一代嘅：
「任國榮教授為廣東省惠陽縣人，生於1907年。童年就讀惠州中學。畢業後於1921年考進國立廣東高等師範學校（即國立中山大學前身）博物部。後轉為國立中山大學生物系並於畢業時獲中山大學第一屆理學士學位。任國榮教授畢業後留校任助教至1929年奉派留學法國巴黎大學，專攻生物學。在法國期間，曾以在中國西南苗猺區所採集鳥類品種之稀有標本獲獎。其中一鳥類品種尚未有記載於世界博物辭典內。任師悉心研究，以其心得，撰述論文，公諸於世。該鳥即被定學名為「國榮鳥」並收載於世界博物辭典。此種輝煌成就，令任教授蜚聲寰宇生物學術界。1933年任教授獲巴黎大學頒授科學博士學位後旋即返回中山大學生物系任教。歷任生物系教授、師範學院博物系主任、理學院院長、大學部訓導長及教育部簡任督學、立法委員等職位。
任國榮教授於1957年任教新亞書院並於1960年應錢穆院長之請創立生物系並兼系主任，其執教新亞書院十五年之久，至1972年，任教授自新亞書院榮休，應珠海書院之請出任生物系教授兼教務長至1982年止。1985年3月，任教授偕太太李秀梅女士前赴加拿大定居，1987年4月15日逝於多倫多。」
（節錄自《新亞生活》。新亞生物系畢業同學：〈籌設「任國榮教授紀念獎學金」緣起〉，載於《新亞生活》第十六卷第二期，1988年9月15日），頁4-5。）