現年45歲的鄭嘉穎今年元旦日跟巨咪女在夜場咀嘴的新聞記憶猶新，但已成歷史，有傳他跟「民選」港姐、23歲陳凱琳（Grace）拍拖。有報道指上周他們一起出席完在灣仔會展舉行的影視博覽後，雙方分頭離開，再前後腳回到嘉穎位於大坑的豪宅會合，逗留個多小時後，又一同坐七人車回到將軍澳的電視城開工，但就扮作互不熟悉。
傳聞指他們因為合作拍攝新劇《殭》片而撻着兩個月，不拘言笑的嘉穎鍾意Grace純真無邪，而Grace則喜歡男方成熟穩重，兩人在劇中有感情線，想不到戲假情真。有指為免戀情見光死，雙方協議扮作不熟悉，亦不會一同外出，據知Grace已不止一次到過嘉穎住所。
「乜都係朋友開始」
嘉穎昨日在將軍澳電視城準備開工時，被追問戀情時有備而來，他笑言報道者的想像力豐富，他說：「可以嚟公司做編劇，其實嗰日同Grace去完影視博覽，之後我仲有嘢做，Grace好上進想睇多啲戲，咁啱小弟DVD存貨多，咪叫佢嚟我屋企攞，話會有人開門畀佢。」他笑言唐詩詠、馬國明等不少人都是家中常客，被問到發展機會時，他並未否認，更說：「乜嘢都係由朋友開始，年紀唔係主要考慮因素，timing同溝唔溝通到好重要。」嘉穎表示做這行所以不擔心再見到Grace時會尷尬，他補充說：「任何事都係從朋友開始，發展機會我又唔可以講得咁死，大家只係朋友，未開始你就嚇親人，小弟真係要孤獨終老。」
有份拍攝《殭》劇的謝安琪（Kay）昨日出席活動時，被問到嘉穎跟Grace的戀情時，她笑言沒有留意，不過拍攝時非常融洽，但就不覺二人眉目傳情，她說：「凱琳本身好活潑，但冇留意佢哋有冇特別傾偈，佢哋劇中有感情線，好俊美一對。」
採訪、攝影：溫敏芝
