立法會財委會開咗8次會、共20個環節特別會議後，噚日終於完成預算案初步審議，月中將在大會二讀，希望本月底表決。財委會主席、飲食界議員張宇人噚日休會期間，就特別準備咗多盒「限量版愛心蛋撻」，呼籲議員官員去食，表明「手快有手慢無」。
會上唔多發言的一班議員，包括馬逢國、姚思榮等，率先殺入間議員休息室食撻，其後自由黨鍾國斌、嫻姐同卿姐，亦加入「搶撻」行列，但卿姐搶撻唔係為畀自己食，而係派畀記者，而勞福局局長張建宗行過休息室，亦畀蛋撻吸引，喺門口望咗望，但由於趕住回應亞視員工問題，結果只能望撻興嘆冇得食。