【壹週刊】水房少壯派猛人業仔，和他的得力門生兼坐館大孖，因與另外六人涉及洗黑錢案，上週一連多天在灣仔區域法院接受審訊，大孖更罕有地接受本刊訪問。
水房現分為以元老高佬發為首的保守派，以及以業仔為代表的少壯派。對於現時分裂局面，大孖坦言只因兩方面立場不同。大孖說：「可以話係核心價值，大家核心價值唔同，佢地有佢地既一套，我地有我地既想法，大家想法唔同，所以唔能夠合作。到最後就演變成大家嘈交、打交，大家都唔想既。」
最近江湖盛傳，在多名元老斡旋協調下，兩方人馬已「講掂數」，不會再發生衝突，大孖對此極力否認。由於業仔一向低調，傳媒對他過去所知不多。大孖表示，業仔自少在旺角長大，機緣巧合下，被水房叔父老鬼權收為門生，跟隨他撈外圍馬搵錢，因而踏上江湖路。至於業仔如何打出名堂和上位，大孖指業仔為人老實和有義氣，因而獲得不少江湖朋友認同。
有傳業仔十分爛賭，經常往澳門賭廳賭錢，大孖則說他只是在澳們做疊碼生意，「爛賭這些都係傳聞，但偶爾玩兩手都有既，多數玩百家樂。」面對今次案件，大孖說會以平常心對待，沒有牽掛的事情，「路係自己行既，有咩事就自己承擔，唔會太悲觀，做人樂觀一點面對就可以。」會否後悔行上這條江湖路，大孖豪氣地說：「我自己冇後悔過，江湖路係自己揀既。」
iPhone版下載：
http://goo.gl/1SDaWF
Android版下載：
http://goo.gl/xfQS8D
壹週Plus網頁
http://nextplus.nextmedia.com/