機場擴建第三條跑道，facebook就有撐同反三跑嘅群組成立；有明眼人向八方報料，名為「支持香港機場興建第三條跑道！」嘅fb最近有資料涉嫌誤導。
佢哋日前貼圖po文，先質疑國泰工會較早前發聲明反對起第三條跑道，其實之前根本冇諮詢過全體工會會員，引述「有國泰員工表示，對於『被代表』，感到非常不滿！」繼而話，「再睇睇國泰工會嘅總幹事，曾國豐，原來佢根本唔係國泰員工！翻查返資料，原來佢仲要係公民黨嘅，明晒啦！」（圖）咦，乜曾國豐翻閹國泰工會都唔出聲？曾同八方講，查實佢離開咗國泰兩年囉，「基本查證都冇做足，呢班人講嘢邊有公信力？」