【本報訊】黃秋生對決定不續牌給亞視的做法表示支持，他昨日接受電話訪問說：「都知事有蹺蹊，一時話賣，一時又話唔賣。政府做得啱，睇佢（王征）去政總跳舞就知佢精神異常。正常都唔會畀牌佢啦，亂咁噏，仲有人信佢嘅，呢種行為即係勒索。」張智霖昨出席活動時以峯迴路轉來形容王維基及白武士的出現，但當他被告知now獲發牌照時，即反應很大說：「吓，冇咗亞視即係點呀？身為香港市民真係無所適從，好煩。」
另外，陳志雲昨午出席活動時，政府仍未公佈拒續牌予亞視，對於亞視前日單方面發佈王維基入股的新聞，他說：「我都覺得嗰段公告如果係未經雙方證實就發放咗，都好離譜。即使王維基係真係想入股。」
周潤發：邊個搞都頭痛
有民間特首之稱的周潤發，昨晚則表示：「可惜，經歷咁多朝代，邱德根最輝煌，林生落咗好多心機，後期多問題出現，畀邊個搞都係頭痛。」政府不發牌給王維基，發哥認為：「就算將亞視賣畀佢，玩到11月（明年4月1日）都冇得睇。」至於新牌照給now，「多個台係良性競爭，now面對台、日、韓劇競爭，尤其係美劇咁高質素，有必要整多啲好製作畀市民睇。」
■記者陳月萍