大媽入市效應真係唔講得笑。中國結算公司公佈，上周新開股票戶口數達167萬個，又創新高，整個三月共有419萬新股民走來開戶，比去年最旺的12月仲要多出四成。呢班新力軍戰鬥力如何？中國家庭金融協會最近做咗調查，佢哋其中有近6%是文盲，60%只係初中畢業。
內地每人只能開一個股票戶口，而家共有1.5億個戶口。以總人口13億人計，一旦全民炒股，隨時有億億聲冇任何投資經驗的新手入市。而家內地存款超過百萬億，每人帶啲錢來交學費，已經可以帶旺個市。過往A股散戶成交佔八成左右，上禮拜中證監披露，比例已經升到九成，散戶越來越多，越戰越勇。如斯市況，其實最開心係大鱷同莊家，呢班散戶可能連字都唔多識，就膽粗粗走來炒股，就算而家贏錢，但遲早都成為水魚。
黃尹華