網上又瘋傳一張海報，話3月底後部份日本威士忌（又係日本威士忌！）山崎、白州、響，有幾款唔再喺日本機場免稅店發售，杜汶澤都有share。
#傳機場改賣特別版
其實張海報唔係新嘢，仲有另一張，係講免稅店停賣以上威士忌，但會改賣特別版。威士忌達人Tony話，特別版只係包裝豪華咗，但例如一支「山崎18」（圖）免稅約1.65萬日圓（約1,000港元），但特別版要成5萬日圓（約3,200港元）！
Tony話最新消息其實係，呢3款威士忌今個月起全日本加價，唔只免稅店，因為所屬公司Suntory已宣佈今個月起旗下威士忌會加價，部份加幅達25%，如「山崎18」連稅約1.8萬日圓（約1,160港元），加價後要2.2萬至2.4萬日圓（約1,400港元至1,550港元）！但都平過喺香港買一大半。
佢估因為需求好大，而威士忌釀製需時，「例如山崎18，即係要成18年㗎」，求過於供推高售價；機場改賣貴價特別版，應該都係相同理由。
佢話另一間公司嘅余市、竹鶴仲未話會加價，但問題係要買到先得㗎。
費清 ＃要生計，也要生活 ＃毋忘初衷