一國元首，離世之後獲數十萬國民排隊十小時去悼念；不用官媒主播鏡頭前搥胸痛哭，也不用或「安排」民眾在廣場「圍喊」，出殯當天便有國民冒着大雨夾道送別。
聽着民眾在雨中高喊其名字，就算對新加坡沒有太大感情的外邦人，也會為之動容。或許仍有人會攻擊他獨裁；但誰也能感受到李光耀如何受新加坡人敬重；他能把一塊僅700平方公里的土地變成一個發達國家，正是「英雄造時勢」。
不過，相信世上還是較多由「時勢造英雄」，近期第一個想到的，肯定是新晉英格蘭國腳，哈利卡尼。他當然有天份，也久不久用世界波來展現射術；但這小子今季能轟入29球，腳風順得出奇肯定是重大關鍵！就以上輪英超聯賽對李斯特城為例，佢又入三粒！但重溫入球片段你會發現：第一球係門將拍個波去佢面前、第二球射中人都彈入、第三球則是12碼。卡尼大演帽子戲法的過程實在輕鬆！其實今季佢唔少波都係咁入。
雖然開講有話：「執雞？都要有意識企啱位先得㗎！」呢句說話當然係真；但若無球運，企啱位成個月都唔會有波入！上周對立陶宛，卡尼首次代表國家隊79秒就頂入波(圖)，怎不算時來運到？咁係咪「時勢造英雄」易好多？哈！我又咁睇：英雄要造時勢當然係難；但調番轉都一樣唔易！因為任你能力再高、再努力，運勢也「造」不出來。空有本領卻時不與我者，何其多？
方栢翹
now足球評述員