外號收工男嘅保衞香港運動成員傅振中，噚日趁行會開會前拖馬去特首辦請願，話要支持特首梁振英踢走泛民，收工男見到梁特時仲好興奮咁話：「（會）擺多啲街站支持你」。
原來收工男同時幫CY向自由黨田北俊開拖，佢哋喺新聞稿話喎，好唔妥田少前排喺特首答問大會質疑，究竟有幾多市民聽特首意見唔投票畀泛民？甚至形容田少「泥菩薩過江，自身難保」兼「吃裏爬（扒）外，只識做牆頭草的所謂建制派人士，香港人對他也是極之憤怒」，相信田少同自由黨會受選民懲罰。
查實八方都幾欣賞收工男嘅「熱誠」，既撐CY又插田少，一箭雙鵰唔知係咪會獲阿爺份外賞識？田少則對收工男嘅言論一笑置之，話作為「超級梁粉」講啲咁嘅嘢係可以理解，反正香港有言論自由，相當大方。
李八方
mailto:[email protected]<